Аҳолига тарқатиш учун ажратилган 1,7 млрд сўм имтиёзли кредит маблағлари мансабдорлар томонидан талон-торож қилинган

0

Ўзбекистон бош прокурори Ниғматилла Йўлдошев раислигида коррупция ҳолатлари кузатилаётган соҳалар ҳамда вазирлик ва идораларда бунинг сабаб ва шарт-шароитларига бағишланган идоралараро йиғилиш бўлиб ўтди.

Йиғилишда аҳолининг иқтисодий фаоллигини қўллаб-қувватлаш учун турли ижтимоий лойиҳаларга бюджет маблағлари муҳтожларга етиб бормасдан, айрим банк мансабдор шахслари томонидан талон-торож қилинаётганлиги кўрсатиб ўтилди.

Қайд этилишича, «Ҳар бир оила – тадбиркор» дастури доирасида сўнгги икки йилда аҳолига тарқатилиши лозим бўлган 1,7 миллиард сўм имтиёзли кредит маблағлари банк мансабдор шахслари томонидан талон — торож қилинган.

«Миллий банк»нинг Шаҳрихон филиали раҳбари Р. ва касса мудири Д. 19 нафар фуқаро номига қалбаки ҳужжатлар тайёрлаб, имтиёзли кредит маблағларидан 378 миллион сўмини шахсий манфаатлари учун ўзлаштириб юборган.

ФИКР БИЛДИРИШ

Please enter your comment!
Please enter your name here